Müşahidəçi şirkət olan iSpot-un məlumatlarına görə Sony bu il PS4-ün TV reklamına daha çox pul xərcləyir nəinki Microsoft. iSpot-un verdiyi məlumata görə Sony bu ilin may ayının sonunadək PS4-ün TV reklamına 59 milyon dollar xərcləyib. Microsoft isə həmin vaxt üzrə Xbox One-nın TV reklamına cəmisi 34.7 milyon dollar xərcləyib. Hər iki şirkət eyni kanallara üz tutur. Əsasən onlar FOX, ESPN və Comedy Central kanallarına yüksək miqdarda pul xərcləyirlər. Microsoft bununla yanaşı öz məhsulunu AMC və TBS kanallarında da reklam edir. Sony öz məhsulunu isə əsas kanallardan başqa Fox Sports 1 və TNT-də reklam edir. iSpot öz məlumatlarını reklam elanlarının göstərilmə sayı, internetdə baxış sayı, sosial şəbəkələrdə aktivlik dərəcəsi nəticəsində tərtib edir. Bu məlumatlara görə PlayStation-un “Greatness” adlı TV reklamı, Xbox-un “All-in-One” adlı TV reklamından daha uğurlu alınıb. Sonuncu rəsmi məlumatlara inansaq PlayStation 4 7 milyon konsol, Xbox One isə 5 milyon konsol satıb.